(بيتفعفل) مصطلح غزاوي بنستخدمه في وصف حالة العذاب قبل طلوع الروح، أو وصف أقصى درجات الألم، وعادة اللي (بيتفعفل) بكون بيستنى رصاصة الرحمة، لأنه الموت وقتها أهون. يمكن هذا أكثر وصف لقيته مطابق لحالة البلد، البلد كلها (بتتفعفل)، والعالم شايفنا (بنتفعفل)، ومفش رصاصة رحمة، عشان القاتل مستقصد يسيب الضحية (تتفعفل)، هيك بيضمن المعاناة تضل موجودة، وعشان هيك صرنا بنشوف إنه اللي بيموت بيرتاح، بيرتاح من الفعفلة. وفعفلي وتعفرتي يا إسرائيل، قالوا لفرعون مين فرعنك؟ قلهم ما لقيت حد يردني.
حسن مطر
٩/٥/٢٠٢٤
