جُمانة ما تمزحي إطلاقا معي
أوعك تكوني رحت عن هذا العالم الحقير، أوعك تكوني أخدتي أولادك وحردت، بعرفك ناعمة كتير، بس ما بعرفك بتخافي، بعرف قديش إنت حلوة وأنيقة وإنه حال زي هذا الحال ما بلبق إلك!
يا جمانه قالوا إنك أخدتِ الحلوين وخبيتيهم في حضنك ورحتِ معهم للسما
يا جمانة فجعتييييييينا
يا الله دخيلك دخيلك يا الله اسمع منا الوجع صار كتير علينا
الله يرحم روحك يا حبيبتي، الله يرحمك يا طيبه يا خلوقة يا أمينة، يا جميلة د. جُمانة عَرفة
إنا لله وإنا اليه لراجعون
صديقتي الدكتورة جمانة وأطفالها التوأم شهداء مظلومين مكلومين مقهورين خايفين
روان الكتري
١٣/٨/٢٠٢٤
