أولادي ناصر و هديل اليوم في قمة سعادتهم وانا في قمة تعاستي
ناصر إبني شاف الدنيا ألوان عشان أكل بطيخ و جبنة و بسكوت و فرشوحة فلافل بخضار وما تعشى دُقة وزعتر بدون زيت زيتون زي كُل يوم
وانا في قمة تعاستي انو هاد الأشياء الي قدرت اوفرلهم اياها انهكتني مادياً وبنفس الوقت غيري كتير مش قادرين يحصلوا حاجة منها لأولادهم
في وقت كان إبني عنده رفاهية الإختيار ، صار مُجبر بكل خجل على تقبل الموجود
حلونا عشان أولادنا ، حلونا عشان اليوم قادرين بكرة على الأكيد مش هنقدر ، حلونا عشان كل طفل بغزة حقه يعيش زيه زي اطفالكم قبل اطفال العالم
حلونا عشان إنتو اخدتونا إحنا وأولادنا لمصير مجهول لا عارفين تطلعوا ولا تطلعونا منه
كُل حسرة في قلوب و نفوس اطفالنا واولادنا هتلاحقهكم في محياكم و مماتكم
حماس و الإحتلال و التجار و اللصوص شركاء في نكبتنا.
فخري أبو الرّوس
١١/٦/٢٠٢٥
