بالصورة عن يميني الدكتور سامي وعن يساري والدة ندى، ندى وطارق من pcrf .
صورة ندى من تحت اطنان الانقاض بعد قصف الاحتلال لعمارة سكنية بمخيم النصيرات وصلت العالمية لملايين الناس وحصدت اقوى صورة من بين ١٠ صور حوالين العالم حسب تصنيف مجلة التايم الامريكية لعام 2023.
ما انتهى الكلام هنا، الصورة كانت طريقتي لانقاذ قدم ندى من انها تنبتر وكانت الاثبات يلي تحركت فيه حتى اقدر انقلها للعلاج على الولايات المتحدة.
الصورة ضمنت انه يتواصل معي سيناتور امريكي لتسهيل اجراءات الڤيزا، دكتور امريكي من أصول فلسطينية تكفل بالعلاج بالمستشفى يلي بيشتغل فيه ومؤسسة تستقبل ندى ووالدتها.
وايضاً اضيفكم من الشعر بيت، عملنا ايڤنت كبيرة بواشنطن حضرها المئات حتى نستعمل قصة ندى وصورتها لننقذ المزيد من الاطفال في غزة.
الحمدلله الذي استعملنا وبتمنى من الله انه دائماً يرشدني للطريق الحق يلي فيه منفعة الي ولاهلي ولناسي وبلدي.
مُعتز عزايزه
18/8/2025
