هاليوم هاد من أصعب وأبشع الأيام اللي مرينا فيه أنا وبناتي
اليوم بناتي ودعو صديقاتهم لانهن رجعوا ع غزة
من اسبوع حاولو كتير يكونوا سوا ويفضلو مع بعض اغلب النهار
بالمدرسة سوا وبالشارع سوا والمؤسسة ودروسهم سوا يعني كل النهار
اليوم رجعو غزة
بناتي ودعو حبيباتهم صديقاتهم رغم انهم صديقاتهم من صف اول والنزوح جمعهم
إم صديقاتهم نفسها بتكون معلمتهم بالمدرسة من قبل الحرب
مش صداقة ارتسمت والله كمان أهل
معلمتهم والله بمقامي الهم ولا عمرها قصرت فيهم كمان بيحبوها كإنهم من روحها
يمكن أكتر حدا همة اللي هونوا علينا غربتنا ونزوحنا يعني جنبنا وحوالينا وهدية السما لبناتي
اليوم بنتي تعبت كتير
أخذتها بحضني ونا قلبي مقبوض عليها من كتر ما هية كاتمة دموع
عيطت كتير وخليتها تعيط بصوت عالي وما تكتم جواتها
تاخد راحتها بالعياط
سؤال عطول بيراودني
انتو شو عملتو بصغارنا ليه حرمتوهم صحباهم وحياتهم وبراءتهم ليه خليتوهم يحسوا انو العالم صار موحش
ليه عملتو فيهم هيك وعشان مين
بتمنى الايام تمشي بسرعة والمعبر يفتح بلكي خففت هالوجع اللي جواتكم
احساس الوداع مر والله
مم أسبوع وهمة يودعوا بعض وكنت خايفة ع بنتي من هاللحظة
كنت خايفة على اللي كتماه جواها
ودعتهم ورجعت شفت زعلها اللي كتماه
لحقتها ع خيمتنا عملت حالها بتدرس
حضنها عيطت حكتلي ي ماما مش قادرة ي ماما راحوا ي ماما مع مين بدي أدرس مع مين بدي العب
مين بدو يضحكني ي ماما
قلبها انفطر ي وردي على قلبي شو صار فيها
اتوجعت قطعة من روحي ووجعتني معها
ادعولنا كتير ادعولنا
شَمس الدّجى
5/3/2026
